Во идниот период, локалното Здружение за заштита помош и водомување животни „Анималиа“ најавува спроведување активности за проценка на популацијата на кучиња на територијата на општина Охрид.
„Анималиа работи активностите да се спроведат и на ниво на град Охрид, при што ќе се пребројуваат и оние кученца кои имаат сопственик, бидејќи токму неодговорните сопственици се најголемата причина за зголемување на бројката на бездомни животни.“ – информираат од „Анималиа“.
Во мај оваа година, Агенцијата за храна и ветеринарство спроведе вакви активности на територија на град Скопје, согласно упатството на WSPA (World society for the protection of animals) и со поддршка на Британското Кралско здружение за заштита на животните од суровост (RSPCA).
Методологијата е една од најрепрезентативните и е прифатена како соодветна од поголем број на земји во Европа и во Светот.
По принципот на истата методологија, се извршени проценки во Белград, Приштина, Тирана, Сараево, Подгорица, Коломбо и Каиро.
OhridNews
