Наместо досегашното диктирање на записниците од страна на судиите, Министертвото за правда, наскоро ќе воведе аудио снимање на судските постапки и рочишта.
Ова е дел од Проектот, посветен на новините во судската постапка, кој министертвото го реализира со поддршка на УСАИД-ДПК. Според планираното, се предвидува во сите судови во Република Македонија да се инсталира аудио опрема за снимање на главните претреси и рочиштата. Аудио снимањето ќе се воведе најпрво во граѓанските, а потоа и во кривичните постапки.
Покрај техничката промена, Министертвото за правда ги подготвува и предлог измените и дополнувањата на законите, според кои наместо прераскажување на исказите од страна на судијата, во записник од расправата, судењата ќе се снимаат тонски.
Проектот во значителна мера ќе придонесе за ефикасност , објективност и веродостојност на текот на судските постапки. За ракување со аудио техниката за тонско снимање се предвидува едукација на судскиот персонал и на судиите.
Ohridnews
