Општина Охрид планира да издвои 3 милиони денари за уредување на коритото на реката  Грашница во делот на градскиот потег од булевар „Туристичка“ до улицата „Желзничка“ и во потегот кон улицата „Аџи Мустафа“. Овој инфраструктурен проект е предвиден во Програмата за уредување на градежно земјиште од 2014 до 2016 година.

Целта на оваа програма, која ја изработи Секторот за комунален развој, сообраќај и улици е да ги реши комуналните проблеми со кои се соочуваат граѓаните и да обезбеди  основни  услови  за  развој  на  општината.

Новото корито на реката Грашница, беше изградено  и пуштено во употреба пред околу две години, но кејот и околината на реката сеуште не е комплетно уредени.

OhridNews