Бо Париз во тек е 36-та Генерална конференција на УНЕСКО, на која како македонски претставник учествува експертот за животна средина од Охрид, Дејан Пановски.
Тој како преставник на Министерството за животна средина и просторно планирање, ќе учествува во работниот дел на програмската комисија на УНЕСКО за природни науки, што ќе се одржи денес и утре.
-Утврдена е Платформа на македонската делегација која во делот на заштита на природата поддржува: унапредување на регионалната, субрегионалната и меѓународната соработка , унапредување на заштитата на животната средина, особено со соочувањето на глобалните климатските промени, посебно борба против загадувањето и промени на големите хидро басени, поинтензивни врски со програмата МАБ (човек и биосфера) за реализација на проектите за заштита на биолошката разновидност.-вели Пановски.
Во билатералните контакти главната тема ќе биде зајакнување на соработката со УНЕСКО по однос на заштита на Охридското Езеро и преку тоа управувањето со Охрид во целина со посебно истакнување на донесените нови закони за Заштита на природното и културното наследство во регионот и Законот за заштита на старото градско јадро во Охрид кои се донесени во Собранието на Република Македонија, додава Пановски.
OhridNews
