Поранешниот дефанзивец на Арсенал и англиската фудбалска репрезентација., Сол Кембел, ги предупреди англиските навивачи да не патуваат на Европското првенство во Полска и Украина.
„Останете дома, гледајте го првенството на телевизија. Немојте да рескирате, инаку би можеле дома да се вратите во мртовечки сандаци. Мислам дека погрешија што им го доделија ЕП на Полска и Украина, она што требаа да им кажат е да ги решат сопствените проблеми пред почетокот на турнирот. Не заслужувате вака престижен турнир во својата земја додека не ги решите сопствените проблеми“, порача Камбел.Фудбалерот кој за Англија настапил на 73 натпревари, смета дека за англиските навивачи е преголем ризикот од насилство и расизам, посочувајќи дека овие две земји се исклучително несигурни.
Семејствата Волкот, Чембрлен и Лескот, црномурести англиски репрезентативци, изјавија дека немаат намера да патуваат на Еуро 2012, наведувајќи дека се плашат од можни расистички навреди.
Новинари на Би Би Си еден месец снимале емисија за домаќините на ЕП, ги посетиле натпреварите и на самото место се увериле во расистичките испади, нападите врз етничките малцинства, нацистичките поздрави.
УЕФА на ова реагираше дека тоа што се случува во полското првенство е работа на националната федерација, но во соопштението се додава дека во европската куќа на фудбалот има нулта толеранција кон расизмот, дополнувајќи дека судиите кои ќе судат на ЕП имаат право, во случај на инцидент, да го прекинат натпреварот.
