Елитното фудбалско натпреварување Лигата на шампионите уште еднаш се покажува повеќе од исплатлива инвестиција за за екипите кои сезонава беа и се’ уште се дел од трката за големиот трофеј, што во мај ќе биде доделен во Мадрид.
Според истражувањата на компанијата Матеркард, екипите кои се пласираа во осминафиналето на ЛШ досега во просек имаат заработено по околу 50 милиони евра.
Учесниците во нокаут фазата, за презимувањето во елитното натпреварување од УЕФА добија во просек по 14 милиони евра, плус дополнителни 12 милиони евра од делот од комерцијалните приходи на европската федерација.
Од продажбата на влезниците во просек се заработени по 10 милиони евра, од комерцијалните и маркетиншките приходи вклучувајќи ги и спонзорствата од продажбата на сувенири, храна и пијалаци заработени се 8 милиони евра и уште 6 милиони евра на основа на пораст на цените на играчите кои настапиле во ЛШ.
Во елитата презимија 16 екипи, кои ќе играат во осмина-финалето. За разлика од екипите кои ќе продолжат да се борат за трофејот, тие кои испаднаа од ЛШ во просек имаат заработено 32 милиони евра.
Ohridnews
