Дербито на колото во Серија А одиграно на “Олимпико“ помеѓу Рома и првопласираниот Јувентус заврши без победник 1-1. “Волчицата“ со погодокот на Даниеле Де Роси во првиот дел поведе со 1-0 додека конечните 1-1 ги постави дефанзивецот на “старата дама“ Џорџо Киелини. Рома преку капитенот Франческо Тоти не успеа да реализира најстрога казна откако Буфон го “прочита“ ударот на Тоти.
– Како се одвиваше натпреварот можеме да бидиме среќни што освоивме бод а не загубивме два. Екипата на Рома пред почетокот на мечот се соочуваше со многу проблеми околу казнети фудбалери и повреди но избраниците на Енрике изиграа доста добар натпревар – истакна стрелецот на голот за Јувентус, Киелини.
“Џало росите“ сезоната не ја започнаа како што најавуваа, после 14-та рунда се наоѓаат на 9-та позиција додека “старата дама“ полека се враќа на шампионските патеки откако е на врвот во Серија А со 30 бодови.
Мх.П.
