Клубот се оградува од обвиненијата доставени на негова адреса од страна на КФМ, а во врска со нападот на судиската тројка на натпреварот КК АМАК СП – МЗТ ФОН, одигран на ден 19.04.2008.
Исто така ставаме протест на изречените казни на клубот , изречената казна на тренерот Гaцов, како и не-правните и непрофесионалните постапки на самата федерација пред одигрување на возвратниот натпревар МЗТ ФОН – АМАК СП кога без одреден службен докумнет на тренерот Гацов не му беше дозволено да ја води екипата.
КК АМАК СП важи за еден од најдобро организираните клубови во земјата, со високо ниво на професионализам и стручен кадар. КЛуб кој вложува во иднината, во млади таленти – спортисти, за што зборува фактот дека екипата е најмладата во целата кошаркарска лига. Од самото формирање ,постигнати се одлични резултати кои треба да бидат за почит на спортски работник.
Со последните настани , директно се настојува да се руши светлата иднина на овој Клуб, да се деградираат неговите членови, а на се досега постигнатот да се стави црна дамка. Зопто е тоа така и на кого му смета тоа, одговорот го бараме кај Вас. За ваквите немили сцени и клевети, Клубот ќе побора правна завршница пред највисоките судиските органи во земјата, како и ФИБА.
Ohridnews
