И покрај одлуката на Советот за примена на посебен режим на сообраќај во летната туристичка сезона и  поставените знаци за забрането паркирање,  во центарот на градот кај кружниот тек секојдневно застануваа и се паркираа автомобили. Надлежните за неспроведувањето на одлуката на советот најпрвин меѓусебно се обвинија, по што поставија физички препреки кои ги спречуваат возачите да влезат во забранетата зона.


Летниот режим на сообраќај кој се однесува на централното градско подрачје во Охрид на сила стапи на 4-ти јули. Со него е предвидено на улиците „Илинденска“ , „Коста Абраш“ и „ Цар Самоил“ во периодот од 05 до 20 часот , да може да сообраќаат возила  само со специјални пропусници, а од 20 до 05 часот има целосна забрана за сообраќај. На  улиците „ Илинденска“ , „Коста Абраш“ , „Цар Самоил“ , „Кочо Рацин“ и просторот околу црквата „ Света Софија“ се забранува запирање и паркирање на сите моторни возила. На улицата „ Св. Кирил и Методиј“ , во периодот на летниот режим на сообраќај,  односно од 4 јули до 31 август, во времето 05 до 20 часот ќе се одвива двонасочен сообраќај, а од 20 до 05 часот ќе се одвива  еднонасочен сообраќај во насока кон „ Горна порта“.

И покрај зачестените контроли на полицијата, летниот режим на сообраќај во стариот дел на градот не се почитува целосно.

OhridNews