Општина Охрид забрзано се подготвува за дочекот на Нова година на градскиот плоштад. Деновиве започна украсувањето на улиците во градот, а паралелно со тоа течат и преговорите со естрадните ѕвезди за настап во Охрид на дочекот на Нова година.
Како што дознаваме во тек се интензивни контакти со менаџерскиот тим на Елена Ристевска и Ламбе Алабаковски. Понуди за настап на најлудата ноќ во Охрид уште пристигнале од охриѓанката Ева и познатата локална музичка група „Камелеон“. Пристигнатите понуди се разгледуваат, и наскоро се очекува да се обелоденат имињата на музичарите кои ќе настапат во Охрид за Нова година.
Ohridnews
