,,ЃУРУЛТИИ ОТПРОСТУМ” е насловена Комедијадата која ќе биде организирана утре во Центарот за култура „Григор Прличев“ во Охрид.
На оваа манифестација пред охридската публика, со кратки комични сценски изведби ќе се претстават учениците од гимназијата „Св.Климент Охридски“ и Економското училиште.
Поединечните и групни изведби на учесниците ќе имаат и натпреварувачки карактер, а за најдобриот комичен настап ќе одлучи жири комисијата во состав: Никола Тодороски, актер, Стрезо Стаматоски,актер и Стојан Буџакоски,професор по македонски јазик и литература.
Комедијадата ќе биде зачинета со жива свирка на бендот „Hippie jam“ кој го сочинуваат ученици од гимназијата „ Св. Климент Охридски“. Овој натпревар во комедија е дел проекната активност Драма, а во организација на професорите: Светлана Огненова, Светлана Голабоска, Стефан Каневче и Ирена Бачиќ.
