Инспекторите на Државниот комунален инспекторат при Министерството за транспорт и врски со текот на 2009 година направиле 198 инспекциски контроли низ државава.“Во текот на 2009 година, по извршен инспекциски надзор на вкупно 89 јавни претпријатија им се дадени укажувања за разрешување на тековните прашања во однос на спроведувањето на одредбите од Законот за комунални дејности и Законот за јавна чистота. Во однос на Законот за јавни патишта, во текот на минатата година извршени се контроли на 8 гранични премини, 6 наплатни рампни и на 5 Јавни претпријатија“, се вели во соопштението од Министерството за Транспорт и Врски.
Инспекторите реагирале и по 32 претставки поднесени од граѓани и институции. Државниот комунален инспекторат најавува дека и во текот на оваа година доследно ќе ги извршува своите законоски обврски.
ohridnews
