Охрид од утре ќе биде домаќин на Четвртиот конгрес на екологистите на Македонија со меѓународно учество.
Конгресот, кој ќе се одржи во хотел Метропол, ќе го отвори министерот за животна средина и просторно планирање, Абдилаќим Адеми.
Учество на конгресот најавиле повеќе од 270 научни работници и гости од државата и од странство (Турција, Норвешка, Швајцарија, Германија, Италија, Грција, Албанија, Бугарија, Словенија, Хрватска, Босна, Србија, Црна Гора, Косово) со вкупно 183 научни трудови од областа на екологијата и заштитата на животната средина.
Организатор на конгресот е Македонското еколошко друштво кое воедно ќе ја одбележи 40 годишнината од своето постоење.
OhridNews
