Охриѓанецот Климент Настоски, не успеа да потпише договор со српскиот прволигаш Војводина. Пречка за трансферот на Настоски, е преголемата конкуренција во средниот ред. Тимот на македонскиот репрезентативец Даниел Мојсов во зимскиот преоден рок ги доведе поранешниот фудбалер на Јувентус, ганецот Стивен Апиа и бразилецот Мореира кој има настапувана за белградски Партизан.
– Презадоволен сум од тоа како се покажав на пробата во Војводина, доведувањето на “големите“ фудбалски имиња, го спречија мојот трансфер во Србија – истакна Настоски.
24-годишниот фудбалер есенската полусезона ја помина во дресот на Поградец, а не ја отрфла можноста среќата да ја проба во некоја од поквалитетните екипи во албанското првенство.
Мх.П.
