Литературниот конкурс е дел од проектот „Прличевата 1762-ро лето – симбол на непокорот на Македонецот“ кој е одобрен и финансиран од Министерството за култура на Република Македонија.
На конкурсот може да учествуваат ученици од средните училишта во градов. Тие своите поетски творби во три примероци, под шифра, треба да ги испратат на адреса на НУ Библиотека „Григор Прличев“ – Охрид, ул: Македонски просветители бр.2, најдоцна до 29 мај. Посебно жири ќе ги разгледа пристигнатите творби и ќе додели три награди. Претходно резултатите ќе бидат објавени преку локалните медиуми.
Доделувањето на наградите и презентирањето на најдобрите ќе се случи на 6-ти јуни кога ќе бидат презентирани сите активности кои се дел од проектот „Прличевата 1762-ро лето – симбол на непокорот на Македонецот“.
Утре, со почеток во 12 часот, во просториите на охридската библиотека ќе бидат доделени дипломи и награди за учениците кои ги освоија првите три места на конкурсот за најдобар детски цртеж, според раскази на македонски односно руски писатели. Сите учесници на овој конкурс ќе добијат пофалници.
