Охридските кошаркари претпреа пораз 89-76 на домашен терен од Водно Санс во дерби мечот од последната рунда во третата лига.
Гостите кои важат за една од најсилните екипи во лигата во текот на целиот меч имаа предност, не дозволувајќи им на преимпресионираните охриѓани да ја загрозат нивната победа.
“Колибрите“ имаа несватливи грешки во организацијата на играта, промашуваа чисти позиции , а тоа скопјани знаеа како да го искористат. Згора на се го имаа и расположениот Стојчевски кој одигра одлична партија уфрлувајќи 33 поени.
Во охридскиот тим најмногу поени постигна Бојоски 21, Христовски имаше скромни 12, а по девет уфрлија Танаскоски и Ристески. Наумовски и Павловски кој немаше свој ден постигнаа по шест поени, а со по пет завршија Грујовски и Лихванцев.
Мечот против Водно беше последниот во есенскиот дел, шампионатот продолжува наредната година во февруари.
М.П.
