Барселона и тренерот Пеп Гвардиола се разделија на најдобар можен начин, со титула. Меси и неговите соиграчи бесот за заминувањето на Гвардиолa го истурија над екипата на Атлетик Билбао, “блауграната“ со 3-0 ги совлада “баскијците“ во финалето до Копа дел Реј.
Нешто помалку од половина час игра му беше доволно на “машинеријата“ на Барселона да го сомеле Билбао. Се` започна во 3-та минута Педро е прецизен за 1-0, во 20-та Меси со 73-от гол во сезоната зголемува на 2-0. Конечните 3-0 ги постави Педро со вториот гол на мечот во 25-та минута.
Мх.П.
