Овој пат на мета на крадците беа црквите „Св. Никола“ во демирхисарското село Сопотница каде непознат сторител извршил тешка кражба, при што одзел 5.500 денари и сребрен крст и црквата „Св. Никола“ во кичевското село Прострање, од каде се украдени три ненумерирани икони и неколку железни монети.
Неодамна два сребрени крста, позлатено Евангелие и околу седум илјади денари беа украдени од црквата „Св. Петар и Павле“ во село Тресонче, во околината на Дебар, а при кражба во црквата „Свети Атанас“ во ресенското село Долно Перово, беа одземени пет икони и пари.
Во изминатите три години од црквите во струшко беа украдени 70 икони. Вредни предмети исчезнаа и од дел од црквите во Охрид и охридско.
Според информациите од Управата за заштита на културното наследство од земјава досега се однесени преку 20.000 вредни икони, артефакти и други исклучително значајни сакрални предмети.
