Секторот за внатрешни работи Охрид, поднесе кривична пријава против Н.С.(32) од селото Средорече, општина Дебрца, поради постоење на основи на сомнение за сторено кривично дело „Кражба“. Против него, ќе биде поднесена и кривична пријава за недозволено изработување, држење и тргување со оружје или распрскувачки материи.
Пријавениот, во периодот од 14-ти до 30-ти март, годинава, преку помошна просторија, влегол во домот на лице од Охрид, при што од таванот одзел една бојна пушка М-48, калибар 7,9 милиметри и пет куршуми.
При претрес извршен по наредба на истражен судија, полициските службеници во домот на Н.С. проншле пушка М-48. Дополнително, пронајдени се и една ловна пушка „Текче“ руско производство, калибар 12 милиметри, една воздушна пушка „Камо“ калибар 4,5 милиметри од шпанско производство, како и еден гасен пишто од германско производство, калибар 8 милиметри, со три испукани чаури.
Гасниот пиштол, без соодветна дозвола го поседувалС.С.(25) брат на пријавениот, против кого СВР Охрид ќе поднесе прекршочна пријава. Пронајденото оружје, кое е без соодветна документација, е одземено и предадено на вештачење.
Секторот за внатрешни работи Охрид презема дополнителни мерки за целосно расветлување на овој настан.
OhridNews
