СВР Охрид, поднесе кривична пријава против И.К. (35) , екс вршителот на должност директор на ЈП „Билјанини Извори„ ПП за стопанисување со спортски објекти и паркиралишта во Охрид, за сторено кривично дело „несовесно работење во службата„.
Во јули 2010 година, пријавениот склучил договор за издавање под закуп на просторот од стадионот на закупецот фирмата „Балкан АРТС Продукција„ ДОО Скопје за одржување јавна музичка манифестација. Откако бил одржан концертот, наведената фирма не го уплатила целокупниот износ на ЈП „Билјанини Извори„, а пријавениот не предвидел заштитни мерки за наплата на целокупниот износ.
На овој начин на јавното претпријатие му е нанесена штета во износ од 351.583 денари.
OhridNews
