СВР Охрид поднесе кривична пријава против 71-годишно лице од Струга и 39-годишен охриѓанец поради постоење основи на сомнение за сторено кривично дело ,,несовесно работење“.
Во текот на 2019, првопријавената, во својство на одговорно лице во правно лице, во договор и содејство со второпријавениот, кој бил поранешен сопственик на наведеното правно лице, а со кого биле во роднинска врска, со несовесно работење овозможиле евиденцијата во трговската книга да не се ажурира во согласност со одредбите во Законот за трговија и другите прописи. Поради тоа, на 31.08.2019 биле утврдени несогласувања помеѓу ЕТ-образецот и аналитичката картица.
На овој начин, пријавените се стекнале со противправна имотна корист од 3.337.450 денари.
OhridNews
