Полициската станица во Струга, против А.Р.(30) и Ѓ.П.(30) двајцата од Струга, поднесе кривични пријави поради постоење основано сомнение дека се сторители на кривичните дела „Неовластено производство и пуштање во промет на наркотични дроги, психотропни супстанции и прекурзори„ и „ Недозволено држење и тргување со огнено оружје или распрскувачки материи„.


Истражен Судија при Основниот Суд во Струга на Ѓ.П. во негово присуство му одреди мерка притвор во траење до 30 дена, додека истата мерка, но во одсуство му е одредена на А.Р.  кој е во бегство.

На ден 22.12.2010 година, во стан во Струга  изнајмен од Ѓ.П. биле пронајдени околу 1 килограм  чиста опојна дрога марихуана која истиот за 48о евра ја купил од прво пријавениот А.Р. за понатамошна продажба во Словенија.


При претрес во домот на прво-пријавениот А.Р. во Струга, пронајдени се: помала количина марихуана, две рамки за автоматска пушка со околу 90 куршуми различен калибар, една црна маскирна капа-фантомка, полициски елек со СТОП палка, една гас-маска и други предмети.


Полициската станица во Струга презема мерки за пронаоѓање на  прво-пријавениот А.Р. и целосно расчистување на случајот.

OhridNews