На 17-ти Фебруари оваа година, по претходен меѓусебен договор, тие пријавиле лажна сообраќајна незгода која се случила истиот ден на магистралниот пат Кичево-Гостивар, кај месноста „Стража„. Според лажното пријавување, сообракајната незгода се случила околу 08 часот помеѓу патничко моторно возило „Мерцедес„ сопственост и управувано од пријавениот А.Б. и патничко моторно возило „Фолксваген„ управувано од второ пријавениот А.В. Двајцата пријавени, пред полициските службеници навеле дека причина за сторената сообраќајна незгода била падната и оставена камионска гума на средината од коловозот. На 23 Март оваа година, прво пријавениот А.Б. преку правно лице од Струга, до Полициската станица Кичево, доставиле заверено кај Нотар барање за издавање записник од извршен увид и скица од сообраќајната незгода која тие лажно ја пријавиле во Полициската станица.
Наведувајќи лажен доказ за случена сообраќајна незгода, двајцата пријавени се обиделе да ја сокријат сообраќајната незгода што се случила истиот ден и на истото место но околу 05 часот кога патничкото возило „Мерцедес„ управувано од А.Б. излетало од патот. На лице место бил извршен увид при што било забележано оставено патничко моторно возило „Мерцедес„ кое излетало на левата страна од коловозот на патот Гостивар-Кичево. Притоа, не била констатирана оставена гума на патот или друг предмет што би била причина за излетување на возилото од коловозот.
Во разговор со двајцата пријавени, тие не ја пријавуваат и објаснуваат сообракајната незгода со излетување на истото возило околу 05 часот кај месноста „Стража„.
