– Задоволен сум од ждрепката, за да го освоиш купот мора да ги победиш сите без разлика во која фаза од натпреварувањето – вели за ohridnews охриѓанецот Драган Бочески кој со екипата на Напредок за влез во големото финале ќе вкрсти со Металруг.
Првиот натпревар ќе се игра во Скопје, додека реванш мечот ќе се игра на градскиот стадион во Кичево. – Предност за нас е тоа што реванш мечот ќе го играме на домашен терен, со добар резултат во првиот меч задачата ќе ја решиме дома – истакна Бочески.
Во досегашниот дел од шампионатот Напредок и Металург забележаа по една победа, а мал куриозитет е тоа што и двете екипи триумфираа на гостински терен.
Бранителот на трофејот Тетекс помина најдобро во ждрепката од полуфиналето од македонскиот национален куп. “Штофарите“ за противник го добија лидерот во второлигашката конкуренција кавадаречки Тиквеш.
М.П.
