Капитенот на македонската ракометна репрезентација Кире Лазар во друштво на клупскиот колега Јаков Гојун во живо на “Бернабеу“ ја следеа полуфиналната пресмeтка меѓу Реал и Борусија. Лазаров ја потенцираше одличната атмосфера на преполниот стадион.
– Одлична Борусија, но и Реал не беше воопшто лош. Дадоа се’ од себе, го извадија максимумот. Се чувствуваше „немоќта” на Кристијано, кој очигледно дека играше со болки од повредата. Со комплетен Кристијано натпреварот ќе беше уште понеизвесен. Но, сепак Борусија оди во Лондон. Борусија која покажа врвна физичка моќ. Ваков Сантјаго Бернабеу, одамна не сум го видел. Прекрасна атмосфера која не може да се опише само со зборови. Уживав во фудбалските убавини, презентирани од двата тима” коментираше Кире Лазаров по средбата. 90 интензивни минути сеуште ги прераскажуваат ракометарите, кои во слободното време често другаруваат со Модриќ кој како и Гојун од оваа година е во Мадрид, за разлика од Лазаров кој нешто подолго е во главниот град на Шпанија.
