Кошаркарите на Ајфел Тауерс се пласираа во второто коло од Фиба евро челинџ откако и во вториот натпревар забележаа втора победа над АМАК СП.
Единствениот македонски претставник Амак СП во реваншот што се одигра во Охрид претпре пораз 64:72.
Холанѓаните имаа водство и го контролираа текот на целиот натпревар. Охриѓани на стартот имаа предност од 8-4 која на бргу гостите ја стопија и ја наметнаа нивната агресивна игра на која охриѓани и синоќа немаа одговор.
– Очекував тежок натпревар бидејќи Амак СП не изенади во првото полувреме на првиот натпревар, несакајќи да ни се повтори истото ги затворивме надворешните позици. Амак има одлични шутери а посебно сум импреисиониран од Џарид Фрај. За нас најважно беше да се пласираме во натпреварите во групи.– рече Ренди Вил тренерот на Ајфел Тауерс на прес конференцијата по завршувањето на мечот.
Откако евидентно беше дека чудо нема да се случи во Билјанини извори, Лазовски се одлучи да им даде шанса на повеќе кошаркари да го почуствуват шмекот на евро натпревар.
– За разлика од првиот меч одигравме на повисоко ниво, во границата на нашите можности и мислам дека не разочаравме. Заморот, тенката клупа, и нивната доминација под обрачите беа клучните фактори во крајниот исход на овај двомеч. За нашиот клуб кој е млад најбитно од се е меѓународното искуство кое го стекнавме по овие натпревари во дебитанската сезона – рече Марјан Лазовски и додаде: За нас завршена е европската приказна и сега ке се фокусираме на домашното првенство
М.Постоловски
