Како партија чувствуваме огромна одговорност да истакнеме дека не се сложуваме со веќе изгласаниот буџет за 2012 година за општина Охрид и ги потсетуваме сите кои го поддржаа дека треба да знаат дека буџетот се проектира од побуди за подобра економија на општината, а не за локалните избори кои ни се во пресрет, велат од општинската Либерално демократска партија во врска со изгласаниот буџет на општината од страна на советниците на вчера одржаната седница.
– Основно за секој град е неговиот развој, а од приложениот предлог буџет се гледа дека се намалени средствата за капитални инвестиции, а се продолжува со зголемено финансирање на јавните претпријатија. ЛДП е позната по нејзините конструктивни реакции, се надеваме дека така ќе се сфати и оваа. Потсетуваме дека расходите кои се однесуваат на службени патувања и ставките под други расходи , каде што знаеме дека постои најголема манипулација на средствата на граѓаните, треба да бидат намалени на сметка на оние кои се однесуваат за равој на туризмот и капиталните инвестиции, потенцираат од ЛДП.
OhridNews
