Поради стартот на летната туристичка сезона во месеците јули и август ќе има прекин на градежните активности и пополнување на ударните дупки низ централните улици во Охрид. Во овој период активностите ќе се реализираат во периферните градски улици, информираат од локалната самоуправа.
Деновиве Секторот за комунален развој, сообраќај и улици при Општина Охрид работи на пополнување на ударните дупките на улицата “Момчило Јорданоски“ во близина на населбата Бараки и истата се очекува да заврши на крајот од оваа работна недела.
Во изминатиов период се изврши пополнување на дупките на улиците: “Гоце Делчев“, кеј “Маршал Тито“, “Димитар Влахов“, “Партизанска“, “Јане Сандански“, “Абас Емин“, “Васил Стефоски“, “Аџи Мустафа“, “Бекир али Риза “, “7-ми Ноември“, “Питу Гули“, “Никола Петров- Русински“.
OhridNews
