Македонскиот футсал првак Железарец пропушти шанса со победа над норвешкиот Осло да го осигура првото место од квалификацискиот турнир од Футсал-купот во Скопје.
Наместо триумф, “железарци“ мораа да се спасуваат од пораз ремизирајќи 1-1, норвежаните први дојдоа во предност во 12 минута преку Сортевик, додека Ранготов со голот во 19` ги постави конечните 1-1.Охриѓанецот Левески кој на првиот натпревар против Истанбул постигна хет – трки вели дека се е во наши раце и оти во последното коло ќе се обезбеди посакуваниот пласман.
– Не намачија норвежаните кои не изненадија со добра игра и солидната физичка подготвеност. Остануваме во предност благодарение на постигнатата гол разлика. Мала предност ќе биде тоа што во третото коло тие пред нас ќе го одиграат натпреварот – вели Левески.
На останатиот натпревар во групата Даниловград со 8-3 го победи Истанбул.
Во последното одлучувачко коло в недела играт Осло – Истанбул, односно Железарец – Даниловград.
М.П.
