Извршниот комитет на Либералната партија, вечерва во Скопје одлучи на претстојните локални избори да настапи самостојно.
На 34-тата седница на Извршниот комитет на оваа партија, едногласно е одлучено на изборите закажани за 24-ти март, да се настапи самостојно со кандидатски листи за советници во повеќе општини и градот Скопје.
Исто така, од оваа партија соопштуваат дека ќе истакнат и кандидати за градоначалници во неколку општини.
Инаку, партијата предводена од лидерот Стојан Андов, до неодамна беше дел од „Здружената коалиција“.
OhridNews
