Синоќа се одиграа првите плеј-оф натпревари во фудбалската Лига на шампиони. Најинтересно беше во Истанбул каде Галатасарај и Јувентус одиграа спектакуларен меч со 7 голови во кој славеше турскиот гигант. Во француската пресметка ПСЖ со пресврт славеше над Монако, а мечот во Лисабон помеѓу Бенфика и Реалл Мадрид го одбележе 10-минутен прекин поради наводни расистички навреди кон стрелецот на единствениот гол, Винисиус Јуниор, на што му претходеше контроверзна прослава.
Резултати Лига на шампиони плеј-оф:
Галатасарај – Јувентус 5:2
Бенфика – Реал Мадрид 0:1
Монако – ПСЖ 2:3
Борусија Дортмунд – Аталанта 2:0
Вечерва на програмата се уште четири натпревари од плеј-офот за пласман во 1/8 финалето во Лигата на шампиони во кои се среќаваат:
Карабах – Њукасл (18:45)
Бодо Глимт – Интер (21:00)
Клуб Бриж – Атлетико Мадрид (21:00)
Олимпијакос – Бајер Леверкузен (21:00)
Реваншите ќе се играат следната недела.
Г.М.
