По претходно превземени оперативни активности, полициски службеници од СВР Тетово приведија 24-годишно лице од гостиварското село Дебреше, за кого претходно беше распишан централен распис поради бегство од КПУ Тетово. Осомничен е дека е сторител на вкупно 75 кривични дела и тоа: 51 “тешки кражби“, 18 “тешки кражби во обид“, пет “одземања на возило“ и една “кражба“, кои што се утврдени врз основа на направените проверки, ДНА вештачења, видео записи и други материјални докази.
Лицето кривичните дела ги правел на подрачјето на Гостивар, Тетово, Струга, Охрид, Кичево, Ресен и Битола, информираат од МВР.
При претресот кај него, пронајден и одземен е пиштол марка “форјас таурус“ калибар 9 мм со шест куршуми во рамка и еден во цевката од пиштолот. Констатирано е дека запленетото оружје потекнува од тешка кражба во продавница во Тетово. Исто така, пронајдено е и патничко возило “Ауди“, кое што приведениот го одзел во Струга, а пронајдени се и разновиден алат, фантомка и други предмети за кои постои основано сомнение дека потекнуваат од други кривични дела.
По приведувањето на лицето, извршен е разговор со него, при што тој ги признал делата и објаснил како ги сторил. Извршено е и препознавање од страна на оштетен.
OhridNews
