Лајонс клубот „Десарети“ во соработка со охридскиот Црвен крст денеска додели хуманитари пакети на повеќе од 30 социјално загрозени семејства од Охрид.
– Традиционално секоја година, во месец јуни организираме донаторска акција. Собраните средства годинава одлучивме да ги намениме за хуманитарни пакети за социјално загрозени семејства. Хуманитарните акции продолжуваат и во наредниот период, утре ќе доделиме ДВД плеер за потребите на Друштвото на слепи лица во Охрид, изјави д- р Иво Захариев, претеседател на ЛК „ Десарети“.
Хуманитарните пакети содржат прехранбени производи и средства за одржување на хигиена.
– Сакам да изразам благодарност во името на корисниците на оваа помош до сите кои на овој начин помагаат. Би сакал и да ги поттикнам и останатите фирми и институции кои имаат можност нивното малку да го преточат во многу за оние кои немаат ниту малку, рече претседателот на општинскиот Црвен крст, Сашо Точков.
Денешната акција на ЛК „Десарети“ е поддржана и од Лајонс клубовите „Охрид“ и „Лихнидос“ и Ротари клубот.
Т.К.
