Презентирањето на реалните состојби во односите меѓу Локалната самоуправа и централната власт на чело со ВМРО- ДПМНЕ,не е кукање туку кажување на вистината, реагират од локалната самоуправа на обвинувањата што на адреса на градоначалникот ги упати координаторот на советничката група на ВМРО ДПМНЕ, Дејан Пановски, во врска со посетата на евроамбасадорот Соренсен.
– Градоначалникот Александар Петрески го информира евроамбасадорот Соренсен за сериозниот и постојан притисок од централната власт, кочењето на процесот на децентрализација и опструирањето на повеќе важни развојни проекти. Не се работи за неосновано критикување на централната власт на ВМРО- ДПМНЕ, ниту малодушно кукање пред амбасадорите. Се работи за вистината. Вистината им се кажува на пријателите, на луѓето кои ви веруваат и само така се создава меѓусебна доверба. -велат од локалната самоуправа.
Според неа нападите на координаторот на советничката група на ВМРО- ДПМНЕ Дејан Паноски врз градоначалникот Петрески се неосновани, со цел, како што стои во реакцијата, да се создава впечаток на идеално владеење на централната власт предводена од ВМРО- ДПМНЕ.
OhridNews
