Локалните избори ќе се одржат заедно со претседателските на 15-ти или 22-ри март 2009 година, соопшти доцна синоќа кабинетот на спикерот на Собранието, Трајко Велјановски.
Со официјализирањето на датумот на изборите, се очекува да се интензивира внатре партиската борба на кандидатите за градоначалник и советници, но и за претседател на државата. Во охридската јавност се’ погласно се шпекулира со имињата на кандидатите за градоначалник, иако партиите официјално не ја подддржале кандидатурата на ниту едно од спомнатите имиња.
Според првичните информации, Владата сериозно размислува да го укине цензусот од 50% за избор на претседател на државата во вториот круг, а одлуката за тоа би можело да биде донесена на седницата што ќе се одржи в среда.
Г.М.
