Одлуката за спроведување на трошоци за комунални услуги за граѓаните изложени на социјални ризици не е предлог на советниците на ВМРО- ДПМНЕ , туку на градоначалникот Александар Петрески, стои во реакцијата од кабинетот на градоначалникот во врска со изјавата на координаторот на советничката група на ВМРО- ДПМНЕ, Дејан Пановски дека точката на дневен ред на 53- та седница е ставена по предлог на оваа советничка група.
– Јавноста треба да знае , дека средствата за реализација на Одлуката за субвенционирање на трошоците за комунални услуги за социјално загрозените граѓани се планирани во Буџетот на Општина Охрид. Затоа, примерно е на утрешната седница , советникот Дејан Паноски да објасни , зошто секогаш пред одржувањето на седниците на Советот на општина Охрид , за ситни политички поени се обидува да ја манипулира јавноста, се наведува во реакцијата.
Пановски: Локалната погрешно ме разбрала
Советникот Дејан Пановски реагираше на изнесените ставови на Локалната самоуправа, која, како што напоменува, погрешно го разбрала.
“Бидејќи Локалната има сериозен проблем со начинот на кој ги чита и разбира пораките и изјавите, повторувам дека после иницијативата на советничката група на ВМРО ДПМНЕ на минатата седница, Општината излезе конечно со Предлог Одлука за субвенционирање на ранливите групи граѓани. Средства во Буџетот има и ние побаравме Општината да преземе итни чекори за реализација, но главното прашање е зошто кога веќе биле предвидени, досега до крај на буџетската година Локалната не излегла со Одлука пред за субвенционирање и зошто чекале и не ги употребиле тие средства досега?!? – стои во реакцијата на Пановски
OhridNews
