Деветкратниот освојувач на трофејот Реал Мадрид е во аут откако синоќа на Сантијаго Бенрнабеу беше поразен од Рома со 2-1. Возбудливи беа последните 20 минути. Прво Пепе беше исклучен поради втор жолт картон. Нешто подоцна Тадеи ги доведе Римјаните во водство 1-0. Радоста траеше само 3 минути кога Раул ги врати “кралевите“ во игра 1-1. Во судиското надополнување Мирко Вучиниќ  ја запечати судбината на мадриѓаните  за севкупни  4-2.


што да правам кога ни лежи Реал – Лучиано Спалети

Без поголеми проблеми Лондонските “сини“ стигнаа во ¼ финалето совладувајќи го грчки Олимпијакос со 3-0. Балак, Лампард и Саломон Калу беа стрелци во убедливата победа.


ги изрешетаа грците

Слично сценарио како во Севиља имаше и на “Драгао“ во Порто. Домашните со голот на Лопез во 86 минута стигнаа до севкупни 1-1. По продолжението немаше победник, па пеналите мораа да го дадат патникот во ¼ финалето. Јунак во пенал рулетот беше Германецот  Мануел Нојер кој ги стопираше ударите на Алвеш и Лопез, овозможувајќи му на Џонес со 4-1 во рулетот да ги одведе германците во наредната фаза.

Последниот патник во ¼ финалето ке биде познат во вторник (11 Март) кога на Сан Сиро Интер ќе го пречека Ливерпул. Ждрепката за 1/4 финалните парови ќе се одржи во петок 14 Март.