Геце од следната сезона ќе се пресели на “Алијанц Арената“, а трансферот изнесуваше околу 40 милиони евра. Повредата германскиот репрезентативец ја заработи на реванш натпреварот со Реал Мадрид.
– Многу сакав да играм во финалето и се борев да го направам тоа, но повредата испадна поголема од мојата желба. Но, јас верувам во екипата и ќе отпатувам со нив во Лондон заедно да ја прославиме европската круна – рече Геце.
Финалето во Лигата на Шампиони се игра в сабота со почеток во 20:45 часот на англискиот стадион „Вембли“.