По пауза од два месеци, на програмата се враќа Лигата на Шампиони, со првите мечеви од осминафиналните дуели. Бранителот на трофејот, Барселона гостува во Германија, кај Баер Леверкузен. Голем пех за “фармацевтите“ е неиграњето на поранешниот репрезентативец Михаел Балак, кој сеуште не е заздравен од повредата на бутниот мускул.
Со исти проблеми се соочува и менаџерот на Арсенал, Арсен Венгер пред дуелот со Милан. Од комбинација испадна “стоперот“ Мертесакер, кој се повреди на мечот со Сандерленд во Премиер Лигата. Во составот на “росонерите“ за првиот меч, се очекува да се вратат повредените фудбалери Пато, Неста и Кевин Принс Боатенг.
Осминафинални двојки :
14 февруари : Лион – АПОЕЛ, Леверкузен – Барселона
15 февруари : Зенит – Бенфика, Милан – Арсенал
21 февруари : ЦСКА Москва – Реал Мадрид, Наполи – Челси
22 февруари : Марсеј – Интер, Базел – Баерн Минхен.
Мх.П.
