Навивачите на каталонскиот клуб можат да здивнат откако четирикратниот освојувач на златната топка Лионел Меси од првата минута ќе го започне полуфиналниот дуел со Баерн Минхен во Лигата на Шампиони.
Покрај аргентинскиот интернационалец во нападот на каталонците се најде Алексис Санчез и Педро. Стандардно во средина се наоѓаат Чави, Иниеста и Бускетс додека во одбраната друштво на Пике ќе му праври Бартра, а бековски позиции се резервирани за Дани Алвеш односно Жорди Алба.
Во отсуство на Марио Манџукиќ поради жолти картони, најистурен фудбалер во составот на Баерн Минхен е Марио Гомез. Стратегот на “баварците“ Хуп Хејнкенс немаше други проблеми околу повредени и суспендирани фудбалери и на Алијанц Арената ќе истрача со најдобрите 11.
Баерн Минхен : Нојер, Боатенг, Алаба, Лам, Данте, Швајнштајнгер, Хави Мартинез, Рибери, Робен, Милер и Гомез.
Барселона : Валдес, Пике, Бартра, Дани Алвеш, Жорди Алба, Иниеста, Чави, Бускетс, Педро, Меси и Санчез.
Натпреварот го води унгарска шесторка на чело со Виктор Касаи. Дуелот започнува во 20:45 часот.
Мх.П.
