Манчестер Сити не почна така лошо во групната фаза. Во првото коло претрпеа пораз од Реал Мадрид 3-2 откако поранешниот фудбалер на Манчестер Јунајтед, Кристијано Роналдо им пресуди со погодок во 90-та минута.
Во втората и третата рунда Манчестер Сити потклекна на притисокот. На домашен терен против Борусија Дортмунд се спасуваше од пораз ремизирајќи 1-1 додека шок терапија за “граѓаните“ приредија фудбалерите на Ајакс кои забележаа победа во Амстердам со 3-1.
Лошите резултати англискиот првак ги заокружи со ремито на стадинот во Манчестер против Ајакс 2-2. Петтата рунда “граѓаните“ имаа сламка за спас, но мораа да го совладаа Реал Мадрид. Трет пат одиграа без победник овој пат 1-1, што значеше крај на сите надежи за подолг престој во Лигата на Шампиони.
Мизерната сезона во најеминетното натпреварување Манчестер Сити ги заврши со пораз од Борусија Дортмунд 1-0 и последното место во групата.
Реал Мадрид, Борусија Дортмунд и Ајакс му покажаа на англискиот првак Манчестер Сити оти сеуште не е дораснат за друштво со големите екипи во пролениот дел од Лигата на Шампиони.