Македонскиот ракометен првак Вардар на сензационален начин елиминирајќи го Европскиот првак Хамбург обезбеди пласман во 1/4 финалето во Лигата на шампиони.
Кога никој не очекуваше ракометарите на Вардар одиграа храбро со срце и без никаков респект и го срушија на колена Европскиот првак пред своите гледачи победувајќи го 30-29 (17-15) и со вкупни 58-57 го визираа пласманот меѓу најдобрите осум.
Херој на вардарци е чуварот на мрежата, Петар Ангелов, кој имаше 15 успешни интервенции, a пласманот во ТОП 8 фазата беше остварен без најдобриот ракометар Тимур Дибиров и Стојанче Стоилов, кој се повреди на стартот од натпреварот.
Македонскиот ракомет во четвртфиналето ќе има два претставника откако и Металург се пласираше меѓу најдобрите осум по двојната победа над Колдинг.
Мх.П.
