По одиграните шест рунди комплетирани се 16 тима кои ќе се најдат во “садовите“ за ждрепката која наредниот петок ќе се одржи во Нион.  Тричковски и Пандев се македонските  “мохиканци“ кои ќе ги продолжат натпреварите од најелитното европско клупско натпреварување во февруари за кога се закажани првите осминафинални дуели.


Според пропозициите тимовите се поделени во два “барабани“ и во оваа рунда не може да се судрат клубови од исти земји, како и победниците на групите.

Во првиот “победничкиот“ сад Македонија ќе има свој преставник во  Иван Тричковски кој со тимот на АПОЕЛ триумфираше во групата. Покрај кипарскиот тим уште ќе бидат : Баерн Минхен, Интер, Бенфика, Реал Мадрид, Челси, Арсенал и Барселона.

Во вториот сад се : Наполи, ЦСКА, Базел, Лион, Леверкузен, Марсеј, Зенит и Милан.

Во Лигата Европа продолжуваат : Манчестер Сити, Лил, Манчестер Јунајтед, Ајак, Валенсија, Олипијакос, Порто и Виторја Плзен.

Првите натпревари се играат на 14 и 15 февруари.


Ohridnews