Женскиот ракометен првак во Македонија, Вардар СЦБТ го освои бронзениот медал во овогодинешното издание на завршницата од Лигата на Шампиони кое се одржа во Будимпешта.
Во малото финале избраничките на Индира Кастратовиќ го совладаа данскиот шампион, Митиланд со 34-31 (14-12) и се закитија со бронзеното одличје.
Поразот во 1/2 финалето од Будучност не остави никаква трага на „црвено црните“ кои во голем стил ја завршија првата евросезона во ЛШ.
По шест погодоци во составот на Вардар постигнаа Николиќ и Радичевиќ, пет реализираше Лекиќ, а чуварот на мрежата Суслина застана на 12 интервенции.
Мх.П.
