Претседателите на парламентите на Македонија, Бугарија, Албанија и Италија, заеднички ќе се обратат до претседателот на Европскиот парламент, Коридорот 8 да влезе во среднорочните финансиски проекции на ЕУ во периодот од 2014-2020 година.
За ова се разговарало на средбата меѓу претседателот на Собранието на Република Македонија, Трајко Вељаноски и претседателот на Националниот парламент на Република Бугарија, Михаил Миков, што се одржа на маргините на 10-та Конференција на претседателите на парламенти од Процесот за соработка во Југоисточна Европа (ПСЈИЕ), што се одржува во Охрид.
Конференција на претседателите на парламенти од Процесот за соработка во Југоисточна Европа продолжува денес со усвојување на завршна Декларација.
OhridNews
