Република Македонија за првпат во својата историја е избрана за членка на Извршниот одбор на УНЕСКО. На 36-то заседание на Генералната конференција на УНЕСКО што се одржува во Париз, Република Македонијаја доби поддршка од 142 делегатии и во наредните 4 години ќе биде членка на најзначајниот орган на оваа важна Организација во системот на Обединетите нации. -Изборот на Република Македонија во Извршниот одбор на УНЕСКО претставува признание за значителниот придонес на Република Македонија во активностите на оваа Организација и Обединетите нации во целина. Воедно, овој избор претставува уште една исклучителна можност за афирмација на нашата земја како активен и одговорен член на меѓународните организации, по нејзиното претседавање со 62-то заседание на Генералното Собрание на Обединетите Нации во 2007-2008 г. и претседавањето со Комитетот на министри на Советот на Европа во 2010 година. –се вели во соопштението на Министерството за надворешни работи.
На историската конференција во Париз, македонски претставник беше експертот за животна средина од Охрид, Дејан Пановски. Тој посочи дека влегувањето на земјата во Извршниот одбор на УНЕСКО е од големо значење, дотолку повеќе што во првите две години од мандатот Македонија ќе учествува во во креирањето на буџетот и политиките на организацијата.
Успехот, додава Пановски, се должи на дипломатските активности на Амбасадата на РМ во Париз и на делувањето на Националната Комисија на УНЕСКО во Македонија.
OhridNews
