Пад во шест од седум категории, забележа Македонија во најновиот извештај на Фридом хаус, именуван „Нации во транзиција“.
Според извештајот, Македонија назадувала во категориите национално демократско владеење, изборен процес, независност на медиумите, локално демократско владеење, владеење на правото и независност на судството, борба со корупцијата, додека напредок има во делот на граѓанското општество.
Власта во земјата е оценета како хибриден режим.
Вкупната оценка за демократскиот развој на Македонија, според извештајот на Фридом хаус, е 4.29, а лани беше 4.07. (оценките се од 1 до 7, при што 1 претставува највисоко ниво на демократски развој, а 7 најниско).
Од земјите од соседството, подобри од Македонија се Албанија (4.14), Црна Гора (3.93), Србија (3.75), Хрватска (3.68), Бугарија (3.25), додека полоши се само БиХ(4.50) и Косово(5.07).
OhridNews
Извор:„Макфакс“
