По серијата откажувања на стандардните репрезентативци , селекторот Љубомир Савевски одлучи македонската ракометна репрезентација да не патува во Словенија на претходно закажаните пријателски натпревари.

Кирил Лазаров, Наум Мојсоски, Борко Ристовски, Левко Наумоски, Ацо Јоноски, Милан Левов и Владимир Темелков, откажале со што драстично се намалува квалитетот на македонската репрезентација пред овој двомеч.

– Сметам дека без играњето на повеќето репрезентативци и нема смисла да се играат овие закажани средби со Словенија, од две причини. Првата е таа што јас не сакам да се подготвувам за следниот циклус на евроквалификации ако ги немам најдобрите во составот и, второ, нема смисла на Словенија, која сериозно се подготвува за бараж-дуелот со Унгарија, да и бидеме лесен спаринг-партнер во нејзиното настојување да обезбеди пласман на СП. Подобро да си побараат посилна репрезентација, отколку нашата во ваков некомплетен состав – вели Савевски во изјава за “Нова Македонија“

Според претходно предвидената работна програма, македонските репрезентативци требаше да тренираат денеска и утре во СРЦ „Кале“, а в недела да заминат за Словенија.

Ohridnews