Кошаркарската селекција на Македонија ќе биде во првиот шешир на жрепката за Европското првенство 2011 година што на 16 јануари ќе се изврши во Германија.

Покрај македонската репрезентација во првиот шешир ќе бидат уште и селекциите на Полска и на Летонија. Репрезентациите ќе бидат поделени во три групи, а трите првопласирани и двете најдобро второпласирани директно ќе се пласираат на ЕП. За последното место ќе се борат шест селекции во дополнителни квалификации.

Прв шешир – Македонија, Полска, Летонија.
Втор шешир – Израел, Велика Британија, Бугарија.
Трет шешир – Белгија, Босна и Херцеговина, Финска.
Четврти шешир – Италија, Португалија, Унгарија.
Петти шешир – Украина, Црна Гора и Грузија.

Натпреварите од квалификациите се играат во август 2010 година, а пласман веќе имаат обезбедено Шпанија, Србија, Словенија, Грција, Хрватска, Франција, Турција, Русија, Германија и Литванија.

Ohridnews