На денешен ден во 1941 година, борците на Првиот прилепски партизански одред извршија напад врз бугарската полициска станица во градот, на прилепскиот затвор и на телефонско-телеграфската мрежа. Со овој чин беше означен почетокот на востанието на Македонскиот Народ против фашистичкиот окупатор, со цел за конечно осободување на земјата. На 12 октомври се огласија и истрелите на кумановските партизани. Почна четиригодишната крвава народноослободителна војна на македонскиот народ за конечно ослободување на земјата која заврши со успех на територијата на Вардарска Македонија.
11 Октомври, Денот на востанието на македонскиот народ денес со низа активности ќе биде одбележан во Охрид и државата.
Пред спомениците на паднатите борци во градот ќе биде положено цвеќе. Во Прилеп ќе биде отворен реновираниот објект на Меморијалниот музеј „11 Октомври 1941“, некогашниот участок каде што почнало антифашистичкото востание во 1941 година, а во Собранието на Република Макединија ќе одржи свечена седница на која ќе биде врачена државната награда „11 Октомври” за животно дело.
